Revenue code sa gensan, posibleng amyendahan batok investment scams

11

*General Santos City— Aminado si Gensan City Councilor Jose Edmar Yumang nga adunay balaud sa national nga nagasulting ana lang sa upat ang gikinahanglan aron nga mahatagan ug business permit.*

*Busa atol sa gihimong committee hearing may kalabutan sa investment scheme, nasabutan nga kinahanglan adunay mamahimong lakang ang lokal nga pangamhanan apan dili matud pa pwede nga maghimo ug laing ordinansa may klabutan sa paghatag ug business permit gumikan sa balaud na sa nasyunal.*


*Apan luyo matud pa niini, gihatagan ug visiting power ang city permits ug uban ahensya sa gobyerno aron nga mahatagan gihapon ug proteksyon ang mga miyembro o kliyente sa managlahing investment o mga negosyo.*

*Dugang pamahayag ni kag. Yumang nga migawas sa imbestigasyon nga ilahang gihimo, sagad sa mga forex trading nga nahatagan ug permit, nagahimo ug operasyon sulod lang sa pipilaka semana ug dayon manirado.*

*Busa posible matud pa nga ilahang amyendahan ang revenue code sa dakbayan ug ilaha usab ginatun-an ang paghimo ug lahi nga balaud alang sa protektsyon batok sa managlahing investment scheme nga posible pang mutumaw sa dakbayan.*

*Pinaagi matud pa niini, makontrol ang managlahing ahensya ang pagpangilad sa managalhing investment sama sa nahitabo kaniadto nga daghan ang mga nabiktima.*

Facebook Comments

From Advertisers