Samal nagpabiling zero sa COVID-19 cases

29
Davao City – Gikalipay ni Island Garden City of Samal (IGaCoS) Mayor Al David Uy nga nagpabiling zero sa Coronavirus Disease 2019 (COVID-19) cases ang isla.

Sa interbyu sa DXDC RMN Davao kang IGaCoS Mayor Al David Uy, gisaysay niini nga wala gihapon nagkumpyansa ang lokal nga gobyerno sa Samal luyo sa walay kasong natala ug padayon gihapon nga gipatuman ang minimum public health standards batok COVID-19 partikular na ang pagsuot og face mask.

“Pag naa ka sa gawas, maglakaw-lakaw ka, muadto ka og crowded mga areas, gina-require gihapon nato magsuot ‘ta og face mask especially sa mga immunocompromised nato na mga katawhan,” sulti ni Uy.

Gibutyag usab sa alkalde nga hapit na mag-back to normal ang turismo sa Samal apan kinahanglan gihapon nga sundon ang ginapatumang guidelines ug protocols ilabina sulod sa mga resort tungod kay anaa pa gihapon ang nasud sa State of Public Health Emergency.

RadyoMaN Kirby Manzon

Facebook Comments