Full force nga naghimo it Security and Law Enforcement Drill ro mga security forces sa banwa it Kalibo kahapon nga adlaw it Huwebes.
Sa interview it RMN DYKR Kalibo, ginpahayag ni Municipal Civil Defense Officer Terence June Toriano it MDRRMC Kalibo nga rayang aktibidad hay gin himo base man sa mandato it Aklan Police Provincial Office (APPO).
Daya nga drill hay gin eakipan it mga empleyado it munisipyo, mga concern agencies kapareho it SWAT Team, Bureau of Fire (BFP), Kalibo MPS, Philippine Army, Saint Gabriel College, Public Safety Company it APPO, MDRRMC Kalibo ag iba pang law enforcers.
Suno kay Toriano, tuyo ko raya nga drill nga masayran kon ano ro kakueangan nanda sa tion nga may una nga matabong emergency o disaster sa lugar.
Pila eamang sa mga ginhimo kahapon hay ro hostage taking scenario ag tamang proseso kon may una nga makit-an nga bomba o may nag-eopok nga bomba ag iba pang security preparedness.
Ro Security and Law Enforcement Drill hay ginhimo sa Magsaysay Park sa banwa it Kalibo kon sa siin gin kakibot man it maabong tawo sa palibot it lugar do nasambit nga aktibidad nga gin eaom nga matuod nga may pagkinagulo.
Photo (c) Kalibo PNP
