KALIBO, AKLAN — Uwa eon makapalag pa rong security guard it Suzuki Car Store and Service Center sa Brgy. Andagao, Kalibo, Aklan matapos nga agawan it service fire arm kabii.
Ro biktima nakilaea kay Dennis Zaldivar, 53-anyos , security guard sa idaeom kung Kendrick Security Agency ag residente it Brgy. New Buswang, Kalibo, Aklan.
Suno sa biktima samtang una imaw sa area hay may daywa ka mga eaeaki rong nagpaeapit ag gulpi imaw nga tinutukan it uwa pa masayuri nga klase it baril sa ueo ag inagaw ro anang 9mm service fire arm ag ginhambaean nga indi eon mag palag kundi may maeain nga matabo kana.
Mag-eowas kana gintutukan man it mga suspek ro 24-anyos nga technician it Sakura Autoworks Suzuki Cars ag gin paeag man.
Matapos ro nasambit nga insidente hay madasig man nga nag paeagyo ro mga uwa makilaeang suspek sakay it motorsiklo.
Nasayuran nga rong mga suspek hay naka jacket ag naka bonet.
Padayon pa makaron rong ginapatigayon nga follow up investigation it Kalibo MPS para nga makilaea rong mga suspek bangud nga uwa it naka install nga CCTV sa nasambit nga car shop.
