Davao City- Muhimo og offensive operations ang Davao City Police Office (DCPO) batok mga rebeldeng New People’s Army (NPA) human sa sunod-sunod nila nga pagpangatake sa mga tropa sa gobyerno sa Pilipinas sama sa gihimong pag-atake sa mga NPA sa Presidential Security Group sa may Arakan, North Cotabato.
Kini ang gibutyag ni DCPO spokesperson Senior Inspector Ma.Teresita Gaspan subay sa pakighinabi sa DXDC RMN Davao.
Matud ni Gaspan, mas ginapalig-on karon ang tanang hut-ong sa kapulisan hilabi pa nga wala’y undang ang operasyon sa mga rebelde.
Sumala ni Gaspan, ginarespeto sa kapulisan ang mga progresibong pundok hilabi na kung muhimo sila og mga protesta, apan kung mag resulta kini og kagubot, dili sila mag duha-duha nga manakop og mga raliyista.
Samtang, padayon ang tanang operasyon sa kapulisan ingon man wala’y gisuspinde subay sa extension sa Martial Law sa Mindanao hangtud December 31, 2017.
Dugang ni Gaspan, human sa mga pamahayag ni Presidente Rodrigo Duterte sa iyang State of the Nation Address (SONA), mas hugot ang seguridad nga ipatuman sa DCPO.
Kasamang Merle Comidoy
