Surallah, South Cotabato – Dead on arrival sa ospital ang sekretarya sa barangay human giduslak sa iyang kanhing kapuyo sa may Barangay Little Baguio, Surallah, South Cotabato.
Sa inisyal nga imbestigasyon sa Surallah Municipal Police Station, giila ni Police Major Romy CastaƱares ang biktima sa pangalang Letesia Dizon, 23 anyos ug residente sa maong lugar samtang ang suspek giilang si Russell John Calibayan, 30 anyos og laborer.
Matod sa kapolisan, gitaga sa suspek nga si Calibayan ang biktimang si Dizon nga nakahiagom og upat ka samad sa nagkadaiyang bahin sa lawas nga gikamatay sa biktima.
Pagkahuman, gisaksak usab sa suspek ang iyang kaugalingon igo sa dughang nga nahimong hinungdan kining namatay.
Gidala sa ospital ang babayeng biktima apan way swerte tungod nakabsan gihapon sa iyahang kinabuhi.
Dugang imbestigasyon sa mga pulis sa maong kaso, dugay nang may reklamo ang biktima batok sa suspek gumikan sa pagkaseloso niini.
Ang maong insidente naka-blotter pa sa barangay hall og ingon man sa Surallah Municipal Police Station aron molig-on ang reklamo sa babaye batok ngadto sa lalaki.
Nabiyaan sa maong hitabo ang 5 anyos nga babayeng anak sa biktima.
For more infoās and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: 104760711_2727625860847120_8700151514929963948_o.jpg]
