SELF ACCIDENT|Hubog nasimplang sa Motor, angol

General Santos city—Angol ang motoristang si Marvin Herodias, 31, residenti sa Purok Salazar, Barangay Apopong, Gensan human nga nasimplang ang iyang gimanihuang motorsiklo sa may Marcos Highway, Barangay Apopong, Gensan.

Bandang kaadlawon kaganina dihang pauli na unta ang biktima sa ilang panimalay sakay sa iyang motorsiklo apan wala niini nabantayan ang lubak nga dalan sa lugar mao nga nasimplang ug nakaangkon ug daghang samad sa lawas.

Gilayon nga gidala sa Dr. Jorge Royeca Hospital ang biktima ug kasamtangan na karon nga nagpaalim sa iyang mga samad.


Gikaingong hubog ang biktima dihang nahitabo ang insidenti.

Facebook Comments