SINADYA 2022 SCHEDULE OF ACTIVITIES, GINPAGUHA NA!

67
Roxas City, Capiz – Ginpaguha na sang city government ang kumpleto nga lista sang mga aktibidades para sa Sinadya 2022 sa palaabuton nga bulan sang Disyembre.
Halin sa petsa 3 tubtob Disyembre 5, may ara na sang pre-fiesta activities kaangay sang pagbukas sang Estilo Capiz; Capelco Members Night; Parada sang Kahigayunan Job Fair; LGU Night kag iban pa.
Samtang sa Disyembre 6, may Thanksgiving Mass kag Opening Ceremonies nga pagahiwaton.
Pagasundan sang opening sang Sadsad sa Sinadya; Lighting Ceremony sa bilog nga Roxas City Plaza; Fireworks Display kag Opening sang Sinadya Food Fest.
Sa Disyembre 7, may ‘Prusisyon sang mga Patron’; Parada sa Suba Fluvial Procession; Koronasyon sang Birhen kag Mass Blessing of Marian Images.
Samtang sa Disyembre 8 nga amo ang kapistahan, may ara sang igapatigayon nga misa sa Immaculate Conception Metropolitan Cathedral.
Nahibaloan nga tubtob sa Disyembre 10, may yara pa sang nakalinyada nga mga aktibidades sa Sinadya 2022.
via | Ronnie Dadivas/FB
Facebook Comments