Single motor mibangga ngadto sa katabong pampasaherong bus, drayber patay

21
Nahulosan sa hinulamang-kinabuhi ang drayber sa usa ka single motor human nga mibangga ngadto sa katabo nga pampasaherong bus pasado alas 6:25 sa gabie adtong Miyerkules didto sa Sayre Highway, Barangay Barongcot, Dangcagan, Bukidnon.

Giila ang drayber nga biktima, nga si Jessie Bello, 43 anyos, minyo, ug residente sa Purok-3, Kianggat, Dangcagan, Bukidnon, nga nagmaneho sa usa ka unit sa Yamaha Mio Sporty nga single motor, ug nagtangag og plakang numero 1001-446169.

Samtang ang nabanggaan niini nga bus pinag-iyahan sa Rural Transit of Mindanao (RTMI) Rural Tour Bus, nagtangag og plakang numero 0401-0945654, nga gimaneho ni Wilbert Bombeo, 44 anyos, ulitawo, ug residente sa Barangay Balulang, Cagayan De Oro City.

Sumala sa taho sa kapulisan, nga gadagan sa managlahing direksyon ang duruha sa dihang pag-abot sa lugar nga nadisgrasyahan, kalit sumala pa nga mibrake ang gisundan nga sakyanan sa motorsiklo, hinungdan nga nawad-an kinig kontrol sa gimaneho ug didto mipadulong sa pikas nga dalan nga miresulta sa pagkabangga niini sa katabo nga bus padulong sa Davao City nga direksyon.

Nakaangkon og grabeng injury sa kalawasan ang drayber sa maong single motor nga daling gidala sa balay-tambalanan apan gideklara na kining dead-on-arrival sa doctor.

Misurender usab sa kapulisan ang drayber sa maong bus alang sa tokmang disposasyon.



Mipahimangnu karon ang mga otoridad ngadto sa mga motorista nga mag-doble amping sa kadalanan aron mahilikay sa disgrasya.

Facebook Comments