Umabot sa 450 Agrarian Reform Beneficiaries (ARBs) sa Pangasinan ang nabigyan ng farm machinery, agricultural inputs, at livelihood assistance mula sa Department of Agrarian Reform (DAR) sa ilalim ng Climate Resilient Farm Productivity Support (CRFPS) Program.
Isinagawa ang distribution activity sa Agricultural Training Institute–Regional Training Center (ATI-RTC) sa Sta. Barbara kung saan nakinabang ang 12 Agrarian Reform Beneficiaries Organizations sa lalawigan.
Kabilang sa ipinamahaging kagamitan at ayuda ang tractors, threshers, rice reapers, sprayers, feeds, farm inputs, weighing scales, free-range chickens, at piglets na layong makatulong sa pagpapataas ng produksyon at kabuhayan ng mga benepisyaryo.
Layunin ng programa na mapalakas ang agricultural productivity at climate resilience ng mga agrarian reform communities sa Pangasinan sa pamamagitan ng livelihood support, training, at makabagong kagamitan sa pagsasaka. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
