Smuggled nga kinartong sigarilyo nakompiska sa maco PNP

Davao City – Paglapas sa Republic Act 4712 (An Act Amending Certain Sections of the Tariff and Customs of the Philippines), ang atubangon sa tulo ka indibidwal nga nakuhaan og kontrabando sa checkpoint sa Barangay Poblacion, Maco, Davao de Oro alas 3:00 sa kaadlawon kagahapong adlawa (Nobyembre 3, 2022).

Sa interbyu sa DXDC RMN Davao kang Police Major Madtaib Jalman, Chief of Police sa Maco Municipal Police Station (MPS), giila niini ang mga suspek nga sila Minjan Asamusdin Tayah, Alkaijel Mohammad Abdulmaim ug Ronnel Caballes Buenavista nga nagsakay sa usa ka white L300 Van.

Nakuha gikan sa mga suspek ang dili dokumentadong 29 master cases nga adunay 2,320 reams sa sigarilyo nga Gajah Baru brand ug 2 master cases nga adunay sulod nga 100 reams sa Canon brand.

Ang maong mga kontrando gibana-banaang anaa sa P609, 000 ug P16,000.

“Upon verification ng tropa, nakita po ‘yung karton tapos nung tinanong yung driver kung anong (laman), sinabi ko tapos halata po na hindi makita ang box ng sigarilyo, imported na cigarettes,” saysay ni Jalman.

Gisaludohan usab sa Police Regional Office (PRO)-XI ang maong kalampusan sa tropa sa padayong kampanya batok iligal nga aktibidad ug uban pang kriminalidad.

RadyoMaN Kirby Manzon