Davao City – Gipasabot sa Social Security System kun SSS ang ilang sickness benefits.
Sa pakighinabi sa DXDC RMN Davao kang Greta Quayle sa SSS-Davao atol sa tulumanong Serbisyong Straight to the Point, gitataw niini nga mamahimong mag-file ang usa ka SSS member og sickness benefits kinsa naangol ba karon sa sunog o sa bisan unsang kalamidad nga miigo sa ilang lugar.
Dugang ni Quayle nga bisan wala gideklara nga ipailawum ang usa ka lugar sa state of calamity, maka-avail gihapon sila sa nasangpit nga benepisyo gani ang uban nga nakahiagom og grabeng angol mamahimong mag-file og disability benefits.
Subay kini sa mga pangutana sa SSS members og unsa ang mga benepisyong pwede nilang makuha ilabi na nga sunod-sunod nga giigo og kalamidad ang syudad sama sa sunog ug ipo-ipo.
RadyoMaN Renz Barbarona
