Sunog nagtuhaw sa Brgy. Bulwang, Numancia; 200K rong danyos

KALIBO, AKLAN — Tupok gid rong sangka panimaeay matapos nga magtuhaw rong sunog kaina it mga alas 3:00 rong kaaganhon sa Purok 4, Bulwang, Numancia, Aklan.
Ro nasambit nga panimaeay hay ginapanag-iyahan ni Mrs. Mazi Mortalla, 83-anyos.
Suno kay FO1 Nam-ay it Bureau of Fire Numancia, nga may nagreport kanda kaina nga may sunog sa nasambit nga lugar ag insigida nga gin repondehan ag sa andang pag-abot hay haeos tupok eon ro nasambit nga baeay.
Nasayuran nga ro nasambit nga baeay hay medyo may kalumaan eon ag human raya sa mixed light ag concrete materials.
Sa imbestigasyon nga andang ginpatigayon, nasayuran kay Dexter nga unga it tag-ana ko baeay nga may nabati-an imaw nga naga biti-biti ag sa anang pag guwa hay nagkaeayo eon ro andang kisame.
Ginapanan-aw nga sa linya it andang kuryente naghalin ro kaeayo pero under follow up pa gihapon raya it BFP Numancia.
Umabot sa more or less 200,000 pesos rong danyos ko nasambit nga sunog.