Ni Jay-ar M. Arante, RMN-DYKR Kalibo
“Karsada.”
Daya do naging mabahoe nga problema it Bureau of Fire Protection (BFP) Boracay sa natabong sunog sa D’Talipapa Station 2 Manggyad Brgy. Manoc-manoc kahapon.
Sa pagpahay ni FO2 John Henry Ildesa it BFP Boracay sa raya nga estasyon, nagbuhay ro sunog it haeos limang oras bangod nga nalisdan makasueod do mga fire truck.
Suno kara makitid abi do daean partikular sa may paagto it wet market kung siin dikato nga area nag-umpisa ro kaeayo.
Dugang pa hay ro kaabuon it mga gamit nga gina pang hakot ag mga tawo nga una sa lugar ag ro gulpi gid nga mabaskog nga kaeayo bangod sa puro light materials do mga stall ag kaabuuan kara hay mga naga baligaya it souvenirs items nga mga t-shirt nga may imprinta nga Boracay.
Sambilog man sa anda nga naging problema hay kakueangan it fire truck it mismong BFP ag ana it mga volunteers sa isla rason para mangayo sanda it responde sa mga banwa sa mainland nga ging patabok sakay it barge.
Ro sunog hay nanghalin sa stall #57 nga dumaeahig sa 177 ka mga stalls samtang gina imbestigahan pa gihapon kung ano ro cause it fire ag kung pila ro damage sa natabong sunog.
