Davao City – Kasong Rape with Homicide ang atubangon sa suspek sa paglugos-patay sa usa ka menor de edad sa Digos, Davao del Sur nga gikonsiderang Top 1 most wanted person (city level).
Sa interbyu sa DXDC RMN Davao sa Desk Officer sa Digos PNP, naila ang suspek nga si Arnel Fortaliza, 44-anyos, residente sa Purok 3, Barangay Colorado, Digos City sa maong probinsya.
“Confirmed nga nadakpan si Arnel Fortaliza. Sa record taga diri gyud siya sa Barangay, somewhere in Colorado,” segun sa pulis.
Matud sa pulis, naaresto ang suspek sa Purok 5 Barangay Sindaungan Kandilingan Bukidnon kung asa kini nagtago-tago, pinaagi usab sa warrant of arrest nga gipagawas ni Hon. Marivic Trabajo-Daray, Presiding Judge sa Regional Trial Court (RTC) Branch 18, Digos City, diin wala kini girekomendang pyansa.
Dako usab ang pagpasalamat sa Barangay Council sa Colorado sa Digos PNP sa pagpanguna ni Police Lt. Col. Vici Anthony T. Tababa sa malampusong operasyon human sa kapin tulo ka tuig nga pagtago-tago sa akusado.
RadyoMaN Kirby Manzon
