TAGA DINGLE | OFW PATAY SA SAUDI ARABIA MATAPOS GIN ISULAN SANG DELIVERY TRUCK SANG KUMPANYA

Report ni: Tita Jen Palomo Debaja

Isa naman ka Ilonggo OFW ang ginbawian sang kabuhi matapos naipit sang delivery truck sa Jeddah, Saudi Arabia.

Ginkilala ang biktima kay Robert Muyco, 41 anyos, may asawa kag kabataan sang Brgy. Liboo, Dingle Iloilo.


Sa inisyal nga impormasyon halin sa utod sang biktima, natabo ang insidente sang Miyerkules, Setyembre 12, 2018. Suno sa utod nga si Jose, naga talikod ang biktima kag wala matalupangdan sang driver sang delivery truck rason nga naipit gid ini.

Gindala pa ang biktima sa ospital apang gindulaan gid sang hulam nga kabuhi sa operating room sang huwebes, Setyembre 13, 2018, onse ka oras matapos na aksidente.

Nahibaluan nga 2 ka bulan kag tunga palang nga nagbalik sa Jeddah si Robert kag isa ini ka checker sa water depot.

Ginahulat pa subong sang pamilya ang skedyul sang pagpauli sang iya bangkay.

Facebook Comments