Tawo tulo na ka tuig nagpuyo sa taas sa Lubi

141

Namuti na ang kamot, tag-as na ang buhok ug bungot. Kini ang paghulagway sa igsuon sa usa ka tawo nga adunay problema sa pangisip nga gihimong balay ang 60 ka tiil nga punuan sa Lubi. Giila ang maong lalaki nga usa ka Gilbert Sanchez, 46 anyus, balo ug adunay duha ka anak. Sa exclusibong interview sa RMN DXBC, ngadto kang Lapaz Delma, igsuon sa maong tawo nga naka problema sa pangisip ang iyang igsoon ug daw sa wala kini sa iyang kaugalingon. Niadtong bulan sa Disyembre sa tuig 2014, gikan sumala pa nanglampas si Gilbert sa bukid, miuli kini sa balay sa iyang mama nga balisa ug wala na sa kaugalingon. Gatuyok tuyok sumala pa kini sa ilang balay, nga daw sa insaktong panghuna huna. Una kini misaka sa punuan sa lubi sa ilang tugkuran apan gumikan kay mubo man kini maong minaug. Aduna pay hihayun nga miambak sa atabay o balon si Gilbert apan wala na siya gi rescue pa gumikan kay naka-katkat ug naka-awhas ra sa lalom nga atabay. Aduna pay higayun nga misaka sa punuan sa kaymeto si Gilbert apan wala usab kini mag dugay sa taas ug minaug. Ang 60 feet nga punuan sa lubi ang nakita ni Gilbert, ug iyang gisaka, ug gihimo na niyang puluy-anan sulod na sa tulo ka tuig. Pinaagi sa pisi, padal-an sa taas sa lubi ug pagkaun si Gilbert, ingon man tubig ug iyang sinina. Makaligo lang sumala pa kini panahon sa pag-ulan, ug arun dili siya kanunay mainitan ug maulanan gibutangan sa pamilya ug trapal ang taas nga bahin sa lubi arun siya makapasilong. Giduhang pa ni Lapaz Delman, nga ila nang napahibalo sa LGU Lapaz ang kahimtang sa iyang igsuon, lakip na taga DSWD, ug rescuers sa Agusan Sur apan wala gihapon kini maaksyuni. Nanawagan karun ang pamilya nga matabangan sila sa pagpakanaug ni Gilbert arun nga matambalan kini sa iyang sakit ug makalingkawas sa kadilikado sa taas sa lubi. Sent from my Samsung Galaxy smartphone.

Facebook Comments