Davao City – Igo na lang nagpangalot sa ulo sa dihang nagpatala sa San Pedro PNP ang usa ka taxi driver nga si alyas ‘Doming’ sa dihang gipletehan kini og usa ka peke nga kwarta.
Sumala pa niini nga iyang gipasakay ang usa ka pasahero nga babaye kagahapong adlawa gikan sa may Lanang padulong ngadto sa may dalang Bajada.
Pahiyom kini ug disente ang barog sa maong babaye hinungdan nga wala siya magduda sa pagbayad sa pamasahe nga mokantidad og 500 ka pesos.
Apan sa pagpatubil og gasolina sa maong driver, gideklara sa gasoline station nga peke ang kwarta sa babaye nga iyang gamiton unta pang bayad.
Nalugi ug nagpangalot nalang sa ulo ang driver gumikan mao unta to ang pang-boundary niya sa taxi apan sa mao nga hitabo madudahan napod kuno siya nganong makulang iyang i-remit ngadto sa iyang pamilya.
RadyoMaN Paul Canono
