TERMINAL BUILDING SA CAGBAN JETTY PORT PAGAPATINDUGON

Kalibo, Aklan – Pagapatindugon it Mabuhay Maritime Express Transport o MMET ro P180 million worth
nga terminal building sa Cagban Jetty Port, Manoc-manoc, Boracay Island, Malay Aklan.
Sa pag hat-hat ni Vice Governor Reynaldo Quimpo ko mga importanteng nakasaad sa contract of lease
and development agreement sa tunga ko Aklan Provincial Government ag MMET, nagaguwa nga
igapatindog ro nasambitan nga terminal building sa 1,596.50 square meters nga bakanteng lote sa
Sitio Cagban, barangay Manoc-manoc, Malay, Aklan.
Suno pa gid kay vice governor Quimpo kon mahuman ro terminal building, 25 anyos rayang
pagadumaeahan it MMET bago igaturn-over sa provincial government bangud rayang project hay sa
idaeum it Public-Private Partnership Program. Sa pihak karon nakasaad pa gid sa kasugtanan suno kana
nga magabayad pa gihapon sa probinsiya ro MMET it P125 nga renta per square
meter ko area nga natindugan ko terminal building.
Rayang terminal building ro magaserbing aeagyan sa Boracay it mga pasahero nga sakay it barko it
Mabuhay Maritime Express Transport biyahe Pook – Cagban Jetty Port vice-versa…