Davao City – Dakung dungog ug kalamboan alang sa syudad sa Davao kung mahinayon nga himoon nang ‘new capital’ ang Davao.
Sumala ni Davao City third district Councilor Conrado “Conde” Baluran, uyon siya niining suhestyon nga gihimo karon sa Kabayan Partylist organization nga anhi na sa Davao ang new capital.
Giingon pa sa konsehal sa ikatulong distrito sa Davaonga kung mahitabo kini usa ka dakong kausaban ilawom sa liderato ni Pres. Rodrigo Duterte tungod kay ang Davao mahimo na unya siyang ‘center of economic activities’ sa tibuok nasud.
Apan giklaro usab ni Baluran nga kung mahitabo kini, mamahimo unyang kataw-anan tungod kay kung dili na taga-Mindanao ang mosunod nga presidente himoon usab kini sa iyang lugar.
Alang kang Baluran, paigo na kaniya nga taga-Davao ang pangulo tungod kay daghan kaayo’g mga benipisyo nga naangkon ang dakbayan sa Davao.
RadyoMaN Bernard Pantallon
