Top 5 regional level High Value Target sa Davao Oriental arestado

52
Davao City – Paglapas sa Republic Act 9165 (Comprehensive Dangerous Drugs Act of 2002) ang atubangon sa usa ka babaying nasikop human gisilbihan og warrant of arrest sa Purok San Lorenzo, Barangay Batobato, San Isidro, Davao Oriental, pasado ala 1:00 sa kaaldawon (September 20, 2022).

Sa interbyu sa DXDC RMN Davao kang Police Lieutenant Rochelle Hervas, Office in Charge (OIC) San Isidro Municipal Police Station (MPS) giila ang suspek nga si Eva Andriano Musa, alias Eb, 39 anyos, top 5 Regional level High Valued Target (HVT) ug residente sa nahisgutang lugar.

Nakuha sa posisyon sa dinakpan ang onse (11) ka mga pakete sa gituohang shabu nga adunay estimated street value nga P15,000.

Gibutyag usab sa pulis, nahimong source sa iligal nga droga ang dinakpan subay sa testimonya sa mga kanhi naarestong drug suspects.

Padayon ang pag-awhag sa awtoridad sa katawhan nga i-report ang mga indibidwal nga nalambigit sa iligal nga aktibidad sa komunidad ilabina ang iligal nga droga.

“Ang amoa lang encouragement sa publiko nga mo-cooperate sila. Kung naa silay mapansin nga mga naga-deal ani nga mga illegal drugs, dapat ireport nila dayon sa pulis,” panawagan sa police official.



RadyoMaN Kirby Manzon

Facebook Comments