Dakpan ang usa ka lalaki sa gipahigayon joint buy bust operation sa PDEA Region 10, kapulisan sa Camiguin Police Office ingon man sa kapulisan sa dakbayan sa Iligan alas 9 kapin kun kulang ang takna sa gabie niadtong biyernes sa may Zone 8 Cocogrove, sakop sa barangay Poblacion ning syudad sa Iligan.
Malampuson nga nasikop ang giilang Top 5 target listed drug personality dinhi sa syudad sa Iligan nga nailang si Reynaldo Undang Jr. alyas Simod , hingkod ang pauigon, ulitawo, ug molupyo sa may barangay Saray ning syudad sa Iligan.
Napalitan sa poseur buyer ang suspetsado ug upat ka sachet sa gidiling droga nga dunay street value nga P6,000.00.
Nakuha gikan sa possession sa suspek ang P1,000.00 nga marked money.
Gikostudiya karon sa buhatan sa PDEA Region 10 ang nasangpit nga suspetsado.
