Klaibo, Aklan — Ginpahinugutan eon it Inter-Agency Task Force on Emerging Infectious Diseases rong mga Filipino nga makabiyahe sa South Korea mag eowas eamang sa probinsya it North Gyeongsang, Daegu City ag Cheongdo County.
Suno kay Presidential spokesman Salvador Panelo, kinahangean eamang nga mag perma rong mga Filipino it health declaration form para masayran nanda rong peligro nga maabutan paadto sa South Korea bangud sa Coronavirus Disease o COVID-19.
Pebrero 26 tag magpatupad it partial travel ban rong Pilipinas sa South Korea bangud sa mataas nga kaso it COVID-19.
Ro mga overseas Filipino workers (OFWs) eamang nga may study grant ag permanent resident visa holder rong ginapahinugutan nga makabiyae idto.
Samtang, ginhambae ni Panelo nga nagapahaum man rong Department of Foreign Affairs (DFA) sa pagpapauli kung 148 nga Filipinos halin sa Macau pinaagi sa sangka chartered flights.
May gina ayos man eon ro Overseas Workers Welfare Adminiustation (OWWA) sa repatriation it 48 nga Filipino pinaagi sa sangka commecrcial flight.
Ginsiguro man it Palasyo nga maayos pa gihapon nga nasasabat it task force rong COVID-19.
