Tricycle Driver-dakpan sa buy-bust operation

33
Handcuffs

General Santos City—Sikop sa operatiba sa Police Station 1 ang usa ka tricycle driver nga nailang si Julimer Relativo, 29 anyos nga taga Purok 4, Barangay Labangal, Gensan atol sa gipahigayong buy-bust operation sa area sa Quezon, Avenue, Barangay North, Gensan alas 7:40 ang takna sa gabie.
Subay sa blotter report sa Police Station 1, nikagat ang suspek sa tanyag sa usa ka police nga nagpakarong-ingnong poseur buyer diin malampuson kining napalitan ug usa ka sachet sa gituohang shabu gamit ang P500.00 nga marked money.
Wala na mipalag pa ang suspek human nga napalitan kini ug iligal nga droga. Narecover gikan sa iyang posisyon ang usa ka sachet sa gituohang shabu ug ang P500.00 nga marked money.
Kasong kalapasan sa Sec. 5, article II sa RA 9165 ang takdang atubangon sa maong tricycle driver kansa balhog karon sa silda sa Police Station 1.

Facebook Comments