Patay ang usa lalaki nga gitudlong responsable sa hold-up ug tulis sa San Francisco Agusan del Sur, human naingkwentro ang kapulisan kagabie sa may Rotunda, Brgy. 4, San Francisco, Agusan del Sur. Giila ang suspect nga napatay mao si RICO CAADAN DELA CRUZ, 22yo walay trabaho ug residente sa Brgy. Bayugan 2, San Francisco, Agusan del Sur. Subay sa police blotter gikan sa San Francisco PNP nga nakadawat sila ug tawag nga may nahiyabong Robbery Hold-up sa lugar nga mibiktima sa usa ka babaye nga nagwidraw ug salaping cash sa DBP apan ang suspect daan nang naniid sa biktima, ug sa higayon daling nakaresponde ang PNP ug sa dihang nakamatikod kini nga nagpaduol na ang mga pulis dali kining mibunot sa iyang kalibre 45 nga pistola dayun pabuto sa makapilang higayon ug sa dihang mibalos ang PNP walau swerteng napurohan ang suspect nga hinungdan sa iyang kamatayon. Nakuha sa crime scene ang usa ka cal .45 pistol nga loaded sa 1mag. nga may 2 ka buhing bala lakip sab nga nakuha ang 4 ka mga basyo sa cal .45; laing 1 ka extra mag. nga may nga 7 ka mga buhing bala sa cal .45; 2pcs nasakmit sab gikan sa napatay nga suspect ang 2 ka pakete sa drugang shabu ug salaping cash nga Php9,615.00, 2 ka unit sa cellphone;1 unit Andriod Table; ug laing 2 ka basyo sa 9MM. Sa karun ang napatay nga suspect ang naa gipahiluna sa Dollete Funeral Home sa nahisgutang lungsod [image: rober san franz.jpg]
