Wala na kaabot sa balay tambalanan ang usa ka lalaki human kini giluba sa iyang silingan alas 10 kapin kun kulang ang takna sa gabie didto sa Bernales sakop saBarangay Tipanoy ning dakbayan sa Iligan.
Ang biktima nailang si Marvin Flores , 39 anyos minyo , usa ka laborer nga nagpuyo sa Purok Uno Bernales , kinsa nakaangkon ug samad dinunggaban sa walang suso niini human gidunggab sa suspetsadong naila nga si Jeylord Sumile, lumad nga taga Saray apan nanimuyo usab sa susamang Barangay.
Matud pa sa inisyal nga imbestigasyon sa kapulisan , simpleng panagbingkil ang hinungdan sa maong pagpanunggab diin giingong charger lang sa cellphone maoy gilalisan nganong giluba sa suspetsado ang maong biktima ug dayong miikyas.
Nagpadayon na karon ang pursuit operation batok sa maongsuspetsado nga gikaingong sulod gawas na sa city jail.
