Turn-out sa boto ni Bong Bong Marcos Jr. sa Bukidnon, muabot sa kapin 500k

Muabot sa kinatibuk-ang 507,556 ka mga boto ang natigom ni Presidential Frontrunner Bong Bong Marcos Jr. sa probinsya sa Bukidnon kutob kagahapon.

Kini basi sa Partial and unofficial results sa eleksyon 2022 nga gipagawas sa Commission on Election (COMELEC).

Kinabag-an nga boto ang nakuha ni Marcos sa dakbayan sa Valencia nga muabot sa 80,715 samtang gisundan sa dakbayan sa Malaybalay sa 70,797.

Wala pa ang pinal nga anunsiyo sa Comelec sa kadaugan ni Marcos apan kapin kon kulang 16M na ang gintang niini ngadto kang Vice President Leni Robredo sa pagka-Presidente sa Pilipinas.

Sunod usab nga nakakuha og taas nga boto sa probinsya sa Bukidnon sa pagka-Presidente si Sen. Manny Pacquaio sa iyang kinatibuk-ang 129,784.

Facebook Comments