Davao City – Dagkung pagtulun-an ang nahatag sa 9/11 terror attacks disi-siyete na ka tuig ang nakalabay nga wala damha sa kadaghanan nga mahimo kini sa mga terorista ug nahitabo usab dinhi sa Pilipinas ingon man syudad sa Davao nga dili mamahimong kalimtan.
Sumala ni Task Force Davao Deputy Commander Col. Randolf Cabangbang, bisan ug daw na paranoid ang tawo adunay nakat-onan sama sa hugot nga pagbantay sa mga airport, pantalan, terminal ug uban pang mga lugar nga daghan ang mga tawo tungod kay mao kini target sa mga terorista.
Matud ni Cabangbang, nakat-on usab ang mga tawo sa pag-alerto ug pagbantay sa palibot pinaagi sa pagreport sa militar ug kapulisan kung adunay bag-ong mga tawo sa ilang mga lugar ingon man ang mabilin o ibilin nga mga butang o bagahe.
Tungod niini nga mga nakat-onan ingon ni Cabangbang kinahanglang ipadayon aron luwas sa terorismo ang atong lugar.
RadyoMaN Bernard Pantallon
