Ulitawo nangawat og lotion sa convenience store, nasakpan

58

Dipolog City – Aktong nasapon sa security guard ang usa ka ulitawo human nisulay palusot sa kinawat nga lotions diin wa moagi sa cashier sa LKS convenience store sa may Gen. Luna St., barangay Central ning dakbayan sa Dipolog, kagahapon alas 11:30 sa buntag.

Ang dinakpan nailhan usa ka Jeric Gordove Francisco, 19 anyos, way trabaho nga taga South Curvada, Brgy. Galas ning dakbayan.

Saysay pa sa security guard nga si Joel Isig ngadto sa niresponding Police Office 2 Bryan Mariano, ang maong ulitawo uban sa batan-ong babaye nisulod sa maong convenience store ug namili sa mga display.


Gikaigon pa ang lotion gipanulod nila sa sling bag kolor itom nga gikabiba sa dinakpan.

Sa ilang paggawas sa entrance giharang na sa guard ang ulitawo human naatikan nga nagbugol ang sling bag og pakyas nakapakitag resibo, abtik usab nakalugnot ang babaye nga daling nakasibat.

Nakuha sulod sa sling bag ang 15 ka kabuok nga nivea body milk intensive lotion nga mokantidad sa one thousand four hundred eighty five pesos (P 1,485.00).



Sa Dipolog City Police Station, didto giangkon sa dinakpan ang pagpangawat diin giila ang kauban ig-agaw babaye nga si Jeann Mae nga taga brgy. Barra ning Dakbayan kinsa target na karon sa police operation.

Facebook Comments