Matud sa Hepe nga si Police Major Jake Goles, nag-edad og 12 anyos nga batang babaye ang magulang kansang ang ilang amahan nga si Junrey Lulu Matulin, driver, nagpuyo sa samang dapit ang miingong misukol sa kapulisan hinungdan nga nabaslan kini og pusil sa mga otoridad resulta sa kamatayon.
Sigun ni Goles, kasamtangang atoa nanarbaho sa laing nasud ang asawa ug inahan sa upat ka bata.
Dugang ni Goles, gikunsiderang Top 5 high-value target sa kampanya kontra iligal nga droga sa AOR ang napatay nga padre de pamilya.
Gipasabot sa hepe nga sa kasagsagan sa transaksyon, kalit mi- igwat ang suspek dihang nagpaila ang pulis ug giingon nga mibunot og pistola apan abtik nasangka ang pulis nga midepensa sa ilang kaugalingon pinaagi sa pagpusil sa makatulo ka higayon tumong sa suspek.
Dali pang gidala sa Southern Philippines Medical Center ang suspek apan gideklara kini nga dead on arrival sa attending physician pasado 9:00 sa gabii.
Atol sa paghiling sa mga sakop sa Scene of the Crime Operatives XI, narekober gikan sa lawas sa drug pusher ang duha ka sachet sa gituhoang iligal nga droga ug marijuana nga mokantidad tanan og dul-an usa ka gatos ka libo, ug pistola.
Giingon ni Goles, ang pagkapatay ni Matulin reulta kini sa gipakusgan nga kampanya kontra iligal nga droga sa ilang Area of Responsibility.
RadyoMaN Joel Viray
