Patay ang drayber sa usa ka motorsiklo human nga mibangga kini sa lain pang motorsiklo didto sa kadalanan sa Purok-5, Brgy. San Jose, Malaybalay City adtong milabayng gabie sa Domingo.
Giila ang nakabsan sa kinabuhi nga si Jovel Del Rosario Jr., 21 anyos,ulitawo ug residente sa Purok-1, Barangay Violeta, Malaybalay City. Samtang samaran ang lain pang drayber sa usa ka motor nga si Edraian Oro, 33 anyos, ulitawo ug residente sa lugar nadisgrasyahan.
Sumala sa taho sa kapulisan, nga pulos gadagan padulong sa Brgy. San Jose proper nga direksyon ang duruha. Apan pag-abot sa lugar nga nadisgrasyahan, miliko patuo ang Suzuki Raider nga motorsiklo nga gimaneho ni Oro hinungdan sa pagkabanggaan niini sa gasunod nga Yamaha Mio nga gimaneho ni Del Rosario.
Gumikan sa kakusog sa impak, pulos nakaangkon og samad sa nagkadaiyang parte sa lawas ang duruha nga pulos gidala sa balay-tambalanan diin gideklarang patay si Del Rosario.
Facebook Comments
