Polomolok, South Cotabato–Usa ang patay samtang tulo ang padayong gipangita sa kapulisan sa Polomolok human ang nahitabong engkwentro sa highway nga bahin padulong sa Pagalungan, Pomolok.
Sumala kang Police Capt. Randy apostol, Deputy Station Commander sa Polomolok PNP nga alas 10:00 pasado ang takna sa gabii dihang na-flagged down ang duha ka motor nga gisakyan sa mga suspek apan kalit nga mibunlot ug pusil ang usa sa mga suspek.
Samtang alas 6:00 sa buntag kagahapon dihang napatay ang wala pa mailhing suspek sa laing engkwentro atol sa gihimong hot pursuit operation.
Dugang pamahayag ni Capt. Apostol nga ang mga nakasibat nailang sila si Razzel Mamo, Abu Saif ug Jairul Darino nga samang mga miyembro sa Dawlah Islamiya ingon man Nilong Group.
Na-recover sa encounter site ang usa ka m16 nga issued firearms sa napatay nga pulis nga si Patrol Man Bryan Costelo nga pulis nga napatay atol sa pagpangambush sa brgy. Koronadal Proper kansa natigayon pipila ka bulan na ang nakalabay.
Subay matud pa sa inisyal nga imbestigasyon, nahilambigit ang mga nasangpit nga suspek sa managlahing krimen dili lang sa lungsod sa Pomolok kundili bisan na sa mga kasikbit nga mga lugar.(LVR)
