Un alegaomente miembro del Urban Terrorist Group ya muri despues este ya imbisti con el maga pulis quien para aresta conele na Samgdang, Isabela City del Webes por la noche.
Con el suspechao ya conose como si Oamidie Salain, quien tiene el pendiente mandamientoi de aresto na caso de robbery with homicide aqui na ciudad de Zamboanga.
Asegun na report del pulis, ya anda maga pulis del Isabela na casa di Salain para servi el mandamiento de aresto pero ya imbisti este pormedio de tira canila.
Ya contesta tambien de tiro el maga pulis ya resulta na muerte di Salain.
Maga pulis ya recobri desde conele el disuyu calibre 45 pistola y seiz paquete de shabu.
Si Salain comete el crimen aqui na ciudad del año 2011.
Facebook Comments
