VEHICULAR INCIDENT|Motorista nabangga sa poste-patay

18

General Santos City—Dead on arrival sa Dr. Jorge Royeca Hospital ang wala pa mailhing motorista human nabangga sa poste sa may Nuñez Street, duol sa NLSA road, Barangay Lagao Gensan alas 4:00 ang takna kaganinang kabuntagon.

Sumala sa mga testigo nga sakay ang biktima sa usa ka Honda-110 nga may plate no. MQ-4211 dihang kalit ra kining nabangga sa poste nga miresulta sa paglagpot niini.

Gilayong nakarespondi ang rescue 727 sa CDRRMC diin biktima gidala sa ospital apan gideklara na kining dead on arrival. Ang biktima gibana-banaang anaa sa 5’2” ngadto na sa 5’3” ang gitas-on, medium built ug nakasul-ob lang ug itom nga sando ug itom nga short.

Sa karon ang patayng lawas sa biktima nagpabilin pa sa morgue sa Dr. Jorge Royeca Hospital.

Facebook Comments