Kalibo, Aklan — Arestado ko gintingub nga pwersa it Kalibo Police Station, Aklan Trackers Team, CIDG Aklan ag Aklan Mobile Force Company rong sangka mabuhay eon nga wanted sa probinsya it Aklan ko nagtaliwan nga Pebrero 22 sa syudad it Bacolod.
Nakilaea ro nasambit nga wanted kay Ronald Rey Renton, 30-anyos residente it Acevedo St., Kalibo, Aklan ag presente nga naga istar sa Bacolod City.
Nasayuran nga naha komiter ni Renton rong krimen may napueong dag-on eon ro nagtaliwan kaibahan ro tatlong iba pa nga suno kana hay nadaeahig eamang imaw ag nahapasakaan it kasong murder.
May natabo pang resistance sa pagdakop kana pero ko ulihi hay matawhay man raya nga nag sunod sa mga otoridad.
Natukiban pa gid nga may ana pa gali nga sambilog nga kasong frustrated homicide mag-eowas sa murder kung sa siin gin serbe pa gid kana rong warrant of arrest.
Si Renton hay gindaea sa Aklan ag igaturn over sa korteng natungdan.
