Buruanga, Aklan — Arestado rong sangka wanted sa kasong multiple rape in relation to R.A. 7610 kahapon sa Brgy. Habana, Buruanga, Aklan.
Ro suspek nakilaea kay Romeo Pastor y Delgado, 47-anyos ag residente man it nasambit nga lugar.
Gin-aresto si Pastor ko gintingub nga pwersa it REU 4B, Buruanga MPS ag Aklan PPO Tracker Team pinaagi man sa bisa kung warrant of arrest nga ginpaguwa ko 2014 pa.
Suno kay SPO4 Fernandez, Deputy Chief of Police it Buranga MPS, nga natabo rong krimen 2013 pa Mamburao, Occidental Mindoro kung sa siin do biktima hay anang unga mismo nga naga edad pa eang it 14-anyos tag matabo.
Matapos rong krimen hay umuli rong suspek sa barangay Habana ag naaywan ro pamilya sa Mindoro.
Sa makaron hay sa paghinakop eon it Buruanga MPS si Pastor ag nakateana nga iga turn-over sa korteng natundan.
