Nag-umpisa na byahe subong nga adlaw, Hulyo 3, 2020 ang Yellow Bus Line Incorporated, apang mangin limitado lamang ang ila nga byahe, suno kay Operations Manager Boy Par. Ginkumpirmar ni Par nga ang mga rota ang Koronadal City, Gensan, Isulan, Tacurong, Surallah, Makilala kag Kidapawan City.
Magaumpisa suno pa ang byahe alas-6:00 sang aga tubtob alas-6:00 sang gab-i.
Suno kay Par istrikto nila nga ipatuman ang health protocol kapareho sang pagsuksok sang mask, physical distancing, temperature checking kag iban pa.
Samtang paklaro ni Par nga indi nila pasugtan nga magsakay ang pasahero kon nagalab-ot sa 37.5C ang body temperature. Indi man sila magpasakay sang 21-anyos panubo kag senior citizen.
Lauman naman suno pa sang mga pasahero nga may-yara sang pagbag-o sa pamasahe umpisa bwas nga adlaw. Apela niya naman sa mga pasahero nga magkooperar sa ginapatuman nga health protocol.
