Yours Truly iFM November 05 Thursday

7

*Yours Truly iFM*
*November 05, 2020*
*With iDol DJ Kat And iDol Bruno Banana*
*(Photo from web / No Copyright Infringement)*

Dear iFM,


Maayong hapon mga idol!

Ako gali si Minda sang Lapuz.

Pirmi gid ako nagapamati sa inyo programa gani na-engganyo man ako nga magsulat sa inyo.

Ang problema ko mga idol parte sa akon amiga. Nanghulam siya sa akon kuwarta pero wala ko siya dayun nahatagan kay wala ako sang available nga kuwarta sang naghambal siya sa akon nga mahulam. Gani ginhambalan ko siya nga maghulat lang anay gamay.




Nakibot na lang ako mga idol sang may nakaabot sa akon nga istorya nga wala kuno ako sang pulos nga amiga kay wala ko siya ginpahulam. Akuon ko, nasakitan gid ako kag nainsulto mga idol.

Naglibog pa gid ang ulo ko kay kaklaro man sang hambal ko sa iya nga mahulat lang anay.

Ginhambalan gani ako sang akon bana kag utod nga indi na lang gid pagpahulamon kung amo man lang na ang iya ginahimo sa akon.

Ano ang ang maayo ko nga himuon mga idol?

Yours Truly,

Minda

*Tags**:Luzon,Visayas,Mindanao,Kandingmybangs, iFM Fans Club OFW Chapter, iFM Iloilo*

Facebook Comments