Tuesday, November 17, 2026

₱10K cash gift, giapod-apod sa mga senior sa IGACOS ug Baganga

Davao del Norte – Malipayong nakadawat og tig-₱10,000 nga cash gift ang kapin 120 ka senior citizen gikan sa Island Garden City of Samal (IGACOS) sa Davao del Norte ug Baganga sa Davao Oriental niadtong Oktubre 19 ug 21, 2026, ubos sa Expanded Centenarians Act. ‎
‎Lakip sa maong nga senior ang 99 nga gikan sa IGACOS ug 25 gikan sa Baganga, diin ang maong benepisyo gitagana sa Republic Act No. 11982 kun Expanded Centenarians Act of 2024, nga naghatag og cash gift sa mga kwalipikadong senior citizen nga moabot sa edad nga 80, 85, 90 ug 95 anyos. ‎
‎Gipangulohan sa National Commission of Senior Citizens (NCSC) Region XI ang pagpatuman sa programa, kauban ang lokal nga panggamhanan sa Samal ug Baganga. ‎
‎Pinaagi niini, gipakita sa gobyerno ang pag-ila ug pagpasidungog sa mga senior citizen tungod sa ilang kontribusyon sa pamilya ug komunidad, lakip ang paghatag og pinansyal nga tabang sa ilang panginahanglan.

RadyoMaN Wil Duran

Facebook Comments