Cauayan City – Mas pinaigting ng DA-Regional Crop Pest Management Center 2 ang pest at disease monitoring upang mapangalagaan ang kalusugan ng mga pananim at matiyak ang proteksyon sa ani ng mga magsasaka.
β
βBahagi ito ng patuloy na hakbang para mapanatili ang matatag na suplay ng pagkain sa rehiyon.
β
βIpinatutupad ang regular na surveillance at paggamit ng makabagong teknolohiya upang mabilis na matukoy ang pagdami ng peste at pagkalat ng sakit sa mga taniman.
β
βSa ganitong paraan, agad na naipapatupad ang angkop na hakbang bago pa lumala ang sitwasyon.
β
βKabilang sa tinututukan ang mga itinuturing na vulnerable sa paglaganap ng peste at sakit tulad ng ulmog o hopperburn, corn aphids, fall armyworm, leaf folder, rice blast, at iba pa na maaaring makaapekto sa palay at mais.
β
βBinigyang-diin ng ahensya ang kahalagahan ng maagang pagtukoy upang maiwasan ang malawakang pinsala sa agrikultura.
β
βHinihikayat naman ang mga magsasaka at lokal na pamahalaan na makipagtulungan sa pamamagitan ng agarang pag-uulat sa Municipal at City Agricultural Offices o pagpunta sa tanggapan sa San Vicente Hills, City of Ilagan, upang mas mapalakas ang monitoring system at food security sa rehiyon.
