Tinalakay sa ginanap City Development Council meeting ang ukol sa patuloy na pag-usad ng mga programa, proyekto at bonus ng mga empleyado nito matapos na maaprubahan ang 2024 annual budget.
Isa sa tinalakay ay ang muling pag-endorso sa Sangguniang Panlungsod ng P20,000 Service Recognition Incentive (SRI) ng mga regular employees at P5,000 Gratuity Pay ng mga job-order-employees upang bigyan ng aksyon at approval.
Nabanggit rin na nagkaroon na rin ng pagpupulong ukol dito noong nakaraang taon at binibigyan muli ng diskusyon para sa muling hiling sana ng approval mula sa Sangguniang Panlungsod.
Samantala, isa sa mga naging agenda sa naturang diskusyon ay ang Proposed Supplemental Annual Investment Program (SAIP) No. 1-2024, Proposed Supplemental Budget No. 1-2024, Socio-Civic Projects sa lahat ng barangay, Comprehensive Development Plan at Local Development Investment Program. |𝙞𝙛𝙢𝙣𝙚𝙬𝙨
