1 sa duha ka pugante sa South Cotabato Provincial Jail patay sa entrapment operation

South Cotabato—patay na ang usa sa duha ka pugante sa South Cotabato Provincial Jail atol sa gihimong entrapment operation sa Tacurong City.

Giila ang namatay nga si Andy Evangelista, may kasong carnapping, samtang sikop ang kaubanan niini nga si Oting mando.

Sumala kang Jail Warden Juan Lansaderas nga nakit-an ang duha nga nag inum sa maong lugar diin plano matud pa nila nga mangawat og motorsiklo. Tungod niini gilayon nga naghimo og operasyon ang tropa sa kapulisan.


Atol sa operasyon misukol ang duruha samtang misuway ug sibat sa naggukod kanila nga mga pulis, didto na napusilan si Evangelista nga hinungdan sa iyang kamatayon.

Subay sa report sa kapulisan nga ang motorsiklong nakuha sa posisyon sa duruha ilang kinawat sa lungsod sa Norallah niadtong Enero 20.

Facebook Comments