11 drug suspects lakip ang babaeng ‘drug den owner’ arestado sa PDEA XI

88
Davao City- Mobalor sa P200K nga shabu ang nasakmit sa Philippine Drug Enforcement Agency Regional Office XI (PDEA) uban ang Regional Special Operation Group of Police Regional Office XI ug Nabunturan Municipal Police Station sulod sa drug den sa may Purok 2, Barangay Mainit, Nabunturan, Davao de Oro.

Sumala ni AILEEN T LOVITOS, Regional Director sa PDEA XI, nadakpan nila ang subject sa buy-bust operation ug giingong drug den owner nga si Mhellie Jhim Julva, 42 anyos human kini napalitan og (1) gram o P12,000 nga shabu sa PDEA Agent nga nagsilbing poseur buyer.

Matud sa PDEA XI nga atol sa operasyon, 10 ka drug den visitors ang naaktuhang nag shabu session nga sila Jenalyn Baysac, Junry Cavan, Ronibal Edig, Nicodemus Elemino, Ana Marie Ligutom, Leobert Ortega, Ryan Pobadora, Wilfredo Rendon, Jessie Sumayang, ug Ramil Zabate.

Ipasaka karong adlawa ang mga kasong paglapas sa Republic Act 9165 o “The Comprehensive Dangerous Drugs Act of 2002” batok sa mga suspetsado.

RadyoMaN Aimee Guinita

Facebook Comments