11 ka balay ugdaw sa sunog sa Bangkal

Davao City – Mokabat sa onse (11) ka mga balay ang naugdaw sa sunog sa Tahimik Avenue, Bangkal, Davao City pasado alas 5:00 kagahapon sa hapon (June 7, 2022).

Sa interbyu sa DXDC RMN Davao Senior Fire Officer (SFO) 4 Joyphine Reambonanza sa Talomo Fire Station, gibutyag niini nga 11 ka mga balay ang totally damaged, samtang tulo (3) ang partially damaged.

Gipasalamat ni Reambonanza nga walay indibidwal nga naangol sa insidente.

“Walay mga casualty. Walay injuries sa pagresponde nato sa sunog,” sulti ni Reambonza.

Padayong pa karong gina-imbestigahan ang hinungdan sa insidente ug kung pila ang kinatibuk-ang damyos sa sunog.

RadyoMaN Kirby Manzon

Facebook Comments