148 KA MGA INDIBIDWAL NGA WALA NAGASUKSOK SANG FACEMASK SA MGA PANGPUBLIKO NGA LUGAR, GINDAKOP!

13
Roxas City, Capiz – Mas nga ginstrikto sang kapulisan sa Capiz ang pag-implementar sang Ordinance No. 082 nga kabahin sang minimum public health standards (MPHS).
Kabug-osan nga 148 ka violators ang naaktuhan sang mga police patrollers nga wala nagasuksok sang face mask sa pangpubliko nga lugar. Wala man ang mga ini nagaobserba sang physical distancing nga indi magnubo sa isa(1) ka metro samtang yara sa guha sang ila poluy-an.
Base sa Ordinance No. 082, ang mga penalidad para sa bayolasyon ang masunod:
a.) FIRST OFFENSE- Reprimand;
b.) SECOND OFFENSE- A fine of 1, 000 Pesos or imprisonment for a period of 3 days or both at the discretion of the court;
c.) THIRD and SUCCEEDING OFFENSES- A fine of 2,000 Pesos for each violation, or imprisonment for a period of 10 days or both at the discretion of the court.
Sa pagpakig-angut sang DYVR kay Capiz PPO Provincial Director Col Winston De Belen, ang nasambitan nga implementasyon sang kapulisan ang bangud sa naulihi nga report sang Provincial Health Office (PHO) nga nagsaka sa 72 ang kaso sang COVID-19 as of July 11, 2022.
May kaangtanan sini, gin-apelar ni De Belen sa publiko ang kooperasyon sa kapulisan kag strikto nga pagpatuman sang minimum public health standards (MPHS) agud nga malikawan ang paglapta sang virus.
via | Capiz PPO Pcads
Facebook Comments