Patay ang usa ka lalaki human kini nalatayan sa ligid sa usa ka wing van,bandang alas 9 ang takna gabie sa may gate 3 sa NSC sakop sa Barangay Tomas Cabili ning dakbayan sa Iligan.
Biktima nailang si Jun Michaelito Sumingit 24 anyos taga purok 1 Buruun ning dakbayan sa Iligan.
Sumala sa mga nakasaksi sa maong panghitabo, samtang gabiyahe ang biktima sa nasangpit nga dapit,sakay sa Mio nga motor kalit kining mi overtake sa tuo nga bahin. Sa dihang pagbalik niini , nasimplang kini sa wing van ug napasok ang lawas niini sa maong sakyanan.
Naka angkon ug dakong kadaot sa lawas ug ulo ang biktima hinungdan sa iyang kamatayon.
Padayon ang imbestigasyon sa police station 2 labot sa maong insidente.
*photo credits to the owner
Facebook Comments
