2 ka batan-on sa Laak arestado human nagsugal

Davao City – Gikustodiya na sa Laak Municipal Police Station (MPS) ang duha ka mga batan-on nga nadakpan tungod sa illegal gambling (Color Games) sa Purok 2, Candiis, Barangay Aguinaldo, Laak, Davao de Oro alas 10:30 sa gabii niadtong Lunes (September 12, 2022).

Sa interbyu sa DXDC RMN Davao kang Police Captain Gerald Borja, Acting Chief of Police (COP) sa Laak MPS, giila niini ang mga dinakpan nga sila Jessie Mundas Ocmay, 18 anyos ug Junrey Coquilla Alabar, 19 anyos, puros laborer ug residente sa nahisgutang lugar.

Matud ni Borja, nagpahigayon og “Color Game” ang duha sa maong lugar ug nakuhaan og mga ebidensya, rason nga sila giaresto ug mag-atubang sa kasong paglapas sa Presidential Decree (PD) 1602.

Pahimangno sa kapulisan sa publiko nga likayan ang iligal nga aktibidad ug gilayong i-report sa awtoridad kung adunay mahibal-an nga nagabuhat niini sa komunidad.

“With regard to the illegal gambling, dapat dili gyud na gina-kuan (buhat) sa mga tao. Tapos kung naa silay monitored nga mga illegal gambling activities sa ilang barangay nga nagatago-tao, kung pwede ilaha gyong itug-an,” sulti sa police official.

RadyoMaN Kirby Manzon

[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments