Naglab-ot sa 2, 056 ka mga drug personalities ang na-aresto sang Police Regional Office (PRO 6) sa nagapadayon nga kampanya kontra iligal nga droga sa rehiyon.
Sa 2,056 nga nagkaladakpan 705 ang arestado sa syudad sang Iloilo, 572 sa probinsya sang Iloilo, 358 sa Capiz, 211 sa Aklan, 167 sa probinsya sang Antique kag 43 sa Guimaras.
Apisar nga naneutralize na si Western Visayas drug lord leader Richard Prevendido may nabilin pa suno sa PRO6 nga problema sa iligal nga droga nga kinahanglan tagaan sang igtalupangod.
Isa na diri si Ernesto ‘Erning’ Bolivar, sub group leader sang Prevendido drug group.
Suno kay PRo6 Spokesperson Supt. Gilbert Gorero, indi mag-untat ang kapulisan sa rehiyon tubtob indi maubos ang tanan nga durugista sa Western Visayas.
