25 na pamilya ha Matag-ob, Leyte natagan hin bag-o nga panimalay

MATAG-OB, LEYTE– Maabot ha 25 nga mga pamilya ha Matag-ob, Leyte an nagkaada na hin bag-o nga mga panimalay mahuman gin turnover na han DSWD Regional Office 8 an 25 nga housing units ha mao nga lugar yana nga adlaw, July 21, 2023.

Kanina, gindumara an symbolic turnover of key ngan paghatag hin Certificate of Completion and Acceptance ngadto ha mga napili nga mga benepisyaryo.

Sumala han DSWD VIII, an mao nga proyekto in ginpondohan han national government nga nagkakantidad hin P3.5 million.

Ine in gin-award ngadto ha mga pamilya nga waray kalugaringon tuna nga balay sugad man ha mga biktima han naglabay nga mga kalamidad.

Gin-atinderan an mao nga ceremonial turnover ni DSWD Regional Director Grace Subong ngan Matag-ob, Leyte Mayor Bernandino Tacoy.

Ginpatapod ni Mayor Tacoy ng susuportahan han LGU an nga mabuligan an mga pamilya nga magkaada hin supply hin kuryente ngan tubig ngan ngan paniniguruhan nga matagan hin pakabuhi an mga pamilya.

Naghatag naman gihapon an LGU hin financial assistance nga balor P2,000 ngan P3,000 tikang ha DSWD ngadto ha mga benepisyaryo.

Ginsiring gihapon han alkalde ha DSWD nga kun magdumara pa hin pareho nga proyekto ha Matag-ob in andam gihapon hiya mag-donate hin iya kalugaringon nga tuna nga pagtitindogan han housing project.

β€œI offered our DSWD Regional Director nga kung naa pay lain nga mga opportunities o pareho ani nga housing projects, willing pod ko nga maka donate ug yuta para niini,” siring ni Mayor Tacoy.

Facebook Comments