General Santos City—Patay ang usa ka 26 anyos nga adunay deperensya sa panghuna-huna nga si Jayson Cahar, human nga maligsan ug motorsiklo sa Bajao Vill., National highway, sakop sa Barangay Bawing Gensan ala 1:15 ang takna sa hapon kagahapong adlawa.
Sumala sa igsuon sa biktima nakurat nalang kini dihang nakit-an ang mga residenti sa ilang lugar nga nagtapok sa kalsada, apan labaw niyang gikakurat dihang nasayran nga igsuon diay niini ang nabanggaan.
Subay sa sumbong sa iyang mga silingan kalit lang nabanggaan ang biktima sa motorsiklo nga gimanihuan ni Alberto Carlos. Dali kining gidala sa ospital apan gideklarang dead on arrival.
Misurender sab ang driver nga nakabangga sa Police Station 5 kansa giturn-over man usab dayon sa Traffic Management Unit sa Camp Firmin Lira.
Sa karon nagpadayon pa ang imbistigasyon sa kapulisan kalabutan sa maong insidenti.
